|
(أُلُوفٌ ) сўзи жуда кўпни ифодалайдиган кўпликдир. (آلاَفٌ ) сўзи унча кўп бўлмаган кўпликни ифодалайди.
Уларнинг сони ҳақида бир неча ривоятлар бор. Лекин улар орасида собит санадлиги йўқ. Рожиҳ гап шуки, улар ўн мингдан ортиқ бўлганлар. Чунки араблар минг сўзини ифодаловчи (ألف ) сўзининг кўплигини ўн баробардан кўп бўлмаса, (أُلُوفٌ ) сўзи билан ифодаламайдилар, (آلاَفٌ ) сўзи билангина ифодалайдилар. (أُلُوفٌ ) сўзи ўн мингдан ортиқ сонни ифодалайди. Шунинг учун уларнинг сони ҳақида гапирилганда улар ўн мингдан ортиқ бўлган, дейишдан нарига ўтолмаймиз.
(حَذَرَ الْمَوْتِ ) яъни, ўлимдан қўрқиб, уруш майдонига кирсак, душман бизни ўлдиради, деган хавф билан.
2. Бу муборак оятда Аллоҳ Таоло Аллоҳ йўлида жиҳод қилишга буюряпти.
وَقَاتِلُواْ فِي سَبِيلِ اللّهِ وَاعْلَمُواْ أَنَّ اللّهَ سَمِيعٌ عَلِيمٌ
(Аллоҳ йўлида жанг қилингиз ва билингизки, албатта Аллоҳ эшитгувчи, билгувчидир). Жанг сидқидилдан, ихлос билан, холис Худо учун бўлиши лозим. Риё, манфаат ёки хўжакўрсинга бўлмаслиги керак. Чунки Аллоҳ Таоло холис Ўзи учун қилинган жиҳоднигина қабул қилади. Аллоҳнинг йўлидаги жиҳод Аллоҳ учун қилинган жиҳоддир.
«سَئَلَ رَسُولَ اللهِ A عَنْ الْقِتَالِ أَيُّهُ فِى سَبِيلِ اللهِ؟ قَالَ: مَنْ قَاتَلَ لِتَكُونَ كَلِمَةَ اللهِ هِيَ الْعَلْيَا فَهُوَ فِى سَبِيلِ اللهِ»
«Пайғамбар с.а.в.дан қандай уруш Аллоҳнинг йўлидаги жанг ҳисобланади, деб сўрадилар. У зот, Аллоҳнинг сўзи олий бўлиши учун курашган одамнинг жанги Аллоҳнинг йўлидаги жангдир, деб жавоб бердилар».49 Аллоҳ ҳамма нарсани эшитгувчидир. Ўзига ёрдам берган кишига ёрдам беради. Ҳамма нарсани билгувчидир. Ниятнинг тўғри ёки нотўғрилигини, холис ёки нохолислигини билади. У Зот учун ҳеч нарса махфий эмас.
3. Шундан кейин Аллоҳ мўминларни Аллоҳнинг йўлида, жиҳод йўлида инфоқ қилишга ундаяпти. Бу ишнинг савоби улуғлигини, уни қилган киши худди Аллоҳни қарздор қилиб қўйгандек бўлишини билдиряпти.
Инфоқ қилган одам молим бекор кетди, деб хавотирланмасин. Чунки ризқни чеклаб берадиган ҳам, кенг қилиб берадиган ҳам Аллоҳдир. У Зот банданинг қилган сарфига яраша қайтаради.
88-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232